სსიპ ოზურგეთის მუნიციპალიტეტის სოფელ კონჭკათის იური სიორიძის სახელობის საჯარო სკოლა

სოციალური პროექტი

პროექტის სახელწოდება

„ვაჩუქოთ მოხუცებს სითბო და სიკეთე!“...

განხორციელებაზე პასუხისმგებელი პირის სახელი და გვარი	ინგლისური ენის პედაგოგი შორენა რუსიეშვილი
საკონტაქტო ინფორმაცია	577206925 shorenarusieshvili69@gmail.com

ინფორმაცია სკოლის შესახებ:

სკოლის დასახელება	სსიპ იური სიორიძის სახელობის ოზურგეთის მუნიციპალიტეტის სოფელ კონჭკათის საჯარო სკოლა
მისამართი	ოზურგეთი. სოფელი კონჭკათი

პროექტის ბენეფიციარები

IX კლასის მოსწავლეები, პედაგოგები.

პროექტის შესახებ

პროექტის განხორციელების ვადები

დასაწყისი:           15.11.2019 დასასრული:       22.11.2019

სკოლის დირექტორი:      მინდია გოთუა

პროექტის განხორციელებაზე პასუხისმგებელი პირი:  შორენა რუსიეშვილი

                                   პროექტი       „ვაჩუქოთ მოხუცებს სითბო და სიკეთე!“...

პროექტის აქტუალურობა/ რითი არის ეს პროექტი მნიშვნელოვანი ჩვენთვის?

მარტოხელა ხანდაზმულ ადამიანებზე ზრუნვა - სახელმწიფოსა და საზოგადოებისთვის დიდი გამოწვევაა! სამწუხაროდ, საქართველოში დღეს მრავლად არიან ადამიანები, რომლებსაც შვილებიც ჰყავთ, შვილიშვილებიც, მაგრამ სიცოცხლის უკანასკნელ წლებს მარტოობაში, სიცივესა და შიმშილში ატარებენ, მისტირიან წარსულს და გული უკვდებათ საკუთარი ყოფით დაუძლურებულთ - როგორც ქუჩაში მაწანწალა ფინიები, ისე შეჰყურებენ ხელში ადამიანებს და მოწყალებას ელიან.

ვერც კი წარმოიდგენთ, რამდენი ბედის ანაბარად მიტოვებული, შეურაცხყოფილი, მიგდებული და მივიწყებული მოხუცია ჩვენს გარშემო...

მხოლოდ ჩერნოვეცკის ფონდის „შინ მოვლის“ პროგრამას აღრიცხვაზე 600-ზე მეტი მარტოხელა ადამიანი ჰყავს, რომელიც საწოლს არიან მიჯაჭვულნი, მრავალი დაავადებით და სულიერად დამძიმებულნი. 5 წელია, რაც ჩერნოვეცის ფონდის თანამშრომლები ზრუნავენ ამ კატეგორიის ხალხზე, არ აკლებენ სითბოსა და ყურადღებას და არცაა გასაკვირი, რომ ისინი მათ მიერ ლამის მშობლიურ ადამიანებად აღიქმებიან.

მარტოხელა ხანდაზმულ ბენეფიციართა რიცხვი დღითიდღე იზრდება, ხოლო იმისათვის, რომ სრულად მოვიცვათ, უფრო მეტი თანადგომა და დახმარება აღმოვუჩინოთ მათ. საჭიროა კეთილ ადამიანთა დახმარება, ისეთი ადამიანების თანადგომა, რომლებზეც იტყვიან - დიდი გულისა და კეთილი სულის პატრონი არისო!

ვაჩუქოთ მოხუცებს სითბო და სიკეთე! - მათ საზოგადოების დახმარება სჭირდებათ.

ხანდაზმულთა სახლში მოხვედრის მიზეზები:

● საკუთარი საცხოვრებლის არქონა;

● მძიმე ეკონომიკური მდგომარეობა (სიღარიბე);

● ჯანმრთელობის მძიმე მდგომარეობა;

● ოჯახის წევრის გარდაცვალება;

● შევიწროება (abuse) ოჯახის წევრების მხრიდან;

● ოჯახისგან გაუცხოება (რესპონდენტების განცდა, რომ ისინი ზედმეტები არიან ოჯახის     წევრის/ნათესავის ოჯახში).

პროექტის მიზანი:

● თანამშრომლობის, პრობლემის გააზრებისა და მისი მოგვარებისათვის საჭირო უნარ-ჩვევების გამომუშავება, კვლევა-ძიების უნარის განვითარება.

● მოსწავლეები გაეცნობიან მოხუცებთან დაკავშირებულ პრობლემებს.

პროექტის თემისა და მიზნის შესაბამისობა ეროვნულ სასწავლო გეგმასთან:

უცხ.IX.27. მოსწავლე ტოლერანტულია კულტურული და ინდივიდუალური განსხვავებების მიმართ.

მისაღწევი შედეგები:

პასუხისმგებლობის გრძნობა მოხუცების მიმართ, ზრუნვა მათ მიმართ, ემპათიის გრძნობის გაღვივება, მოუწოდებენ სხვებსაც -აჩუქონ მოხუცებს სითბო.

სამიზნე ჯგუფი:

IX კლასის მოსწავლეები, თვითმმართველობის ორგანოები.

პროექტზე მუშაობის ვადები:

ერთი კვირა (15.11-22.11.2019)

პროექტის განსახორციელებლად საჭირო საქმიანობები / ვადები

I ეტაპი: 15.11.2019

სამოქმედო გეგმის შემუშავება, ფუნქციების და დავალებების გადანაწილება ( მოსწავლეთა შესაძლებლობების გათვალისწინებით).

II ეტაპი: 18.11.2019

მოსწავლეებს ვთხოვ ინტერნეტში მოიძიონ ინფორმაცია მოხუცების თავშესაფრებისა და სხვა დამხმარე ორგანიზაციების შესახებ.

III ეტაპი: 19.11.2019

მოსწავლეები გაესაუბრებიან სკოლაში სხვა მოსწავლეებს და სთხოვენ მოიტანონ რაიმე ისტორია მათი ბებიების და ბაბუების შესახებ.

IV ეტაპი: 20.11.2019

მოსწავლეების სტუმრობა ოზურგეთის რაიონის სოფელ ანასეულის მოხუცთა თავშესაფარში.

V ეტაპი: 22.11.2019

პრეზენტაცია, დისკუსია, პროექტის შეჯამება.

პროექტის ბოლოს მისაღწევი შედეგები:

● თანაგრძნობის გააზრება - განვითარება მოსწავლეებში.

● კვლევა-ძიების უნარის განვითარება მოსწავლეებში.

ხელის შემშლელი ფაქტორები / შესაძლო რისკები:

ნაკლები მოტივაცია მოსწავლეების მხრიდან, კონტაქტზე უარის თქმა მოხუცების მხრიდან.

პროექტის განხორციელებისთვის საჭირო რესურსები:

ინტეტნეტი, კომპიუტერი, დიდი ზომის ფორმატები, თაბახის ფურცლები, ფლომასტერები,  სურათები, წებო.

პროექტის შეფასების კრიტერიუმები:

შეფასება მოხდება კომპონენტის - პრაქტიკაში ჩართულობის მიხედვით.

შეფასების ტიპი - განმავითარებელი.

შეფასების რუბრიკები:

პროექტის მონიტორინგი	ვის მიერ?	როდის?	რა კრიტერიუმებით?
პირველი შუალედური მონიტორინგი	მასწავლებელი	18.11.2019	მოსწავლეებზე დაკვირვების ცხრილით
მეორე შუალედური მონიტორინგი	მასწავლებელი	20.11.2019	მოსწავლეებზე დაკვირვების ცხრილით
საბოლოო შეფასება	მასწავლებელი და მოსწავლეები	22.11.2019	მასწავლებლის თვითშეფასების კითხვარი და მოსწავლეთა თვითშეფასების კითხვარი

მოსწავლეთა დაკვირვების ცხრილი

კრიტერიუმები	მცირედ	საშუალოდ	მთლიანად
მოსწავლეებს საკუთარი წვლილი შეაქვთ პროექტით გათვალისწინებულ აქტივობებში
მოსწავლეები თანამშრომლობენ ერთმანეთთან
მოსწავლეები არ აცდენენ პროექტით გათვალისწინებულ შეხვედრებს და ცდილობენ იყვნენ მეგობრულნი და კორექტულები

მოსწავლეთა თვითშეფასების ცხრილი

კრიტერიუმები	დიახ	არა
ხალისით ვმუშაობდი პროექტის აქტივობებზე
ვთანამშრომლობდი ჯგუფის ყველა წევრთან
გულახდილი ვიყავი დასმულ შეკითხვებზე პასუხისას
სიამოვნებით ვიმუშავებდი კიდევ მსგავს პროექტებზე

მასწავლებლის თვითშეფასების კითხვარი

კრიტერიუმები	დიახ	არა
პროექტის დაგეგმვისას გავითვალისწინე მოსწავლეთა ინტერესები და შესაძლებლობები
მოვახერხე პროექტში ყველა მოსწავლის ჩართვა
მივაღწიე მოსალოდნელ შედეგს
პროექტი დასრულდა გაწერილ დროში

                                      რეფლექსია

2019 წლის 15-22 ნოემბერს განვახორციელე სოციალური პროექტი თემაზე:  „ვაჩუქოთ მოხუცებს სითბო და სიკეთე“...

პროექტის მიზანი იყო:

● თანამშრომლობის, პრობლემის გააზრებისა და მისი მოგვარებისათვის საჭირო უნარ-ჩვევების გამომუშავება, კვლევა-ძიების უნარის განვითარება.

● მოსწავლეები გაცნობოდნენ მოხუცებთან დაკავშირებულ პრობლემებს.

პროექტის, თემისა და მიზნის შესაბამისობა ეროვნულ სასწავლო გეგმასთან:

უცხ.IX.27. მოსწავლე ტოლერანტულია კულტურული და ინდივიდუალური განსხვავებების მიმართ.

განხორციელებული პროექტის ანალიზი:

პროექტი განვახორციელე წინასწარ შედგენილი გეგმის მიხედვით, თითოეული ეტაპი ემსახურებოდა ჩემს მიერ დასახულ მიზანს. პროექტი ორიენტირებული იყო ისეთი კომპლექსური უნარების განვითარებაზე, როგორიცაა თანამშრომლობა საზოგადოებრივი პრობლემის გადასაჭრელად, ინფორმაციის მოძიება და რეალიზაცია. ღონისძიების განხორციელების უნარ-ჩვევები.

პროექტზე მუშაობისას გამოყენებული აქტივობების ეფექტურობა:

პროექტის ფარგლებში დაგეგმილი აქტივობები გეგმის მიხედვით 5 ეტაპად განხორციელდა.

პირველ ეტაპზე მოხდა სამოქმედო გეგმის შემუშავება და ფუნქციების გადანაწილება ( მოსწავლეთა შესაძლებლობების გათვალისწინებით). განმავითარებელი კომენტარები მეხმარებოდა ნდობის მოპოვებაში და პოზიტიური ურთიერთობის განმტკიცებაში. შემდეგ ეტაპზე მოსწავლეებმა მოიძიეს ინფორმაცია მოხუცთა თავშესაფრებსა და სხვა დამხმარე ორგანიზაციების შესახებ. დაარიგეს კითხვარები სკოლაში. მესამე ეტაპზე მოვინახულეთ ოზურგეთის რაიონის სოფელ ანასეულის მოხუცთა თავშესაფარი, დავურიგეთ ტკბილეული მოხუცებს, ვესაუბრეთ მათ, მოგვიყვნენ თავიანთი ისტორიები, გადავიღეთ სამახსოვრო ფოტოები მათთან ერთად. მოხუცები ძალიან კმაყოფილნი დარჩნენ, ძალიან თბილად მიგვიღეს, ვაჩუქეთ მათ ერთი ლამაზი დღე.

პროექტის განხორციელების ბოლო დღეს შევაჯამეთ თემა და გავმართეთ დისკუსია.მონაწილეებმა შეძლეს აზრის თავისუფლად დაფიქსირება, განუვითარდათ სოლიდარობის, თანამშრომლობის, პრობლემის გააზრებისა და მისი მოგვარებისათვის საჭირო უნარ-ჩვევები.

მოსწავლეებმა წარმოადგინეს აგრეთვე სლაიდები და პლაკატები ინგლისურ ენაზე თემასთან დაკავშირებით. მათ ხალისითა და უდიდესი პასუხისმგებლობით გაართვეს თავი დაკისრებულ მოვალეობებს.

აქტივობები განვახორციელეთ დაგეგმილი თანმიმდევრობით, გაწერილ დროში.

აღნიშნული პროექტი დაეხმარა მოსწავლეებს იყვნენ უფრო ფრთხილები და ტბილები მოხუცი ადამიანების მიმართ და მოუწოდონ სხვებსაც - „აჩუქონ მოხუცებს სითბო და სიკეთე“...

პროექტის ბოლოს მიღწეული შედეგები:

● თანაგრძნობის გააზრება- განვითარება მოსწავლეებში.

● კვლევა-ძიების უნარის განვითარება მოსწავლეებში.

                                                       პროექტის ხელმძღვანელი:   შორენა რუსიეშვილი

ხელმძღვანელის ელ.ფოსტა:    shorenarusieshvili69@gmail.com